Сыбдыры сұлу – Алтын күз!

Қызылегіс ауылының негізгі орта мектебінде «Сыбдыры сұлу – Алтын күз!» тақырыбында 0-9 сынып оқушылары арасында байқау болып өтті. Бұл іс-шара оқушыларға күз кереметтерін көрсету, оқушылардың бойына сахналық мәдениетті қалыптастыру мақсатында өткізілді. Байқау оқушыларды әділқазы алқасымен және сайыс кезеңдерін таныстырудан басталды. Әділқазы алқасы: оқу ісінің меңгерушісі Есмагамбетова А.Қ. тәрбие ісі жөніндегі орынбасары Сапарбаева К.С., мектеп психологы Кожмаганбетова Ж.Т.болды. Байқау сегіз кезеңнен тұрды. Әр кезең бойынша әділқазы алқалары бағалап отырды. Алғашқы «Таныстыру» кезеңінде барлық қатысушылар жоғары ұпайлар алды. «Күзгі киім үлгісі», кезеңінде 4-9сынып оқушыларының киім үлгісі ерекше көзге түсті. Өз өнері көрсету кезеңдерінде 3-9 сынып оқушылары өте жақсы деп бағаланды.